Tuesday, 21 July 2015
മുഴുവന് കുട്ടികള്ക്കും രണ്ടുജോടി യൂണിഫോം...എ.പി.എല്,ബി.പി.എല് വ്യത്യാസമില്ലാതെ.
Sunday, 19 July 2015
Thursday, 16 July 2015
കളിക്കാം.. ..രസിക്കാം....പഠിക്കാം
രണ്ടാം ക്ലാസ്സിലെ ഗണിതപാഠപുസ്തകത്തില് പത്തുകളും.ഒന്നുകളും ചേര്ത്ത് സംഖ്യകള് രൂപീകരിക്കുന്നതിനായി ‘ഡൈസ്കളി‘യുടെ ചിത്രം ഉണ്ട്...രണ്ടു ഡൈസുകളാണ് കളിക്കാന് വേണ്ടത്..ഒന്നില് പത്തുകളുടെ വ്യത്യസ്ത കൂട്ടങ്ങളും മറ്റേതില് ഒന്നുകളുമാണ് അടയാളപ്പെടുത്തേണ്ടത്....രണ്ടു ഡൈസുകളും എറിയുമ്പോള് ഒരോന്നിനും മുകളില് വരുന്ന 10 കളുടെയും 1 കളുടെയും എണ്ണം കൂട്ടിക്കിട്ടുന്ന സംഖ്യകള്(ഉദാ: 40+6=46) കുട്ടികള് പറയണം...നോട്ടില് എഴുതണം...കുറേ കുട്ടികള് കളിച്ചാല് ഓരോരുത്തര്ക്കും കിട്ടുന്ന എണ്ണത്ത ചെറുതില് നിന്ന് വലുതിലേക്കോ വലുതില്നിന്ന് ചെറുതിലേക്കോ ക്രമീകരിക്കാം...സംഖ്യാബോധം ഉറപ്പിക്കാം...(കുട്ടികളോട് വീട്ടില്നിന്നും കടലാസോ,കടലാസ് കൂടുകളോ കൊണ്ട് ഡൈസ് ഉണ്ടാക്കാന് ഏല്പ്പിച്ചു...ഞാനും ഉണ്ടാക്കും എന്നും ആരുടേതാണ് നല്ലതെന്ന് നോക്കാമെന്നും പറഞ്ഞു...വീട്ടില് പോയി തപ്പിയപ്പോള് കണ്ണില് ഉറ്റിക്കാന് കൊണ്ടുവന്ന മരുന്നിന്റെ കുറേ കൂടുകളും കാലി കുപ്പികളും കിട്ടി....ഓരോ കൂടും കത്രിക കൊണ്ട് നെടുകെ മുറിച്ചു...ഒരു പകുതി മറ്റേ പകുതിക്കുള്ളിലേക്ക് കയറ്റി...കുപ്പിയുടെ കഴുത്ത് മുറിച്ചുകളഞ്ഞ് ബാക്കി ഭാഗവും കൂടിനുള്ളില് വെച്ചു(ഉറപ്പിനുവേണ്ടി മാത്രം)..രണ്ടുഭാഗവും അടച്ചു.....പുറമേ നേരിയ പ്ലാസ്റ്റര് ചുറ്റി ടൈറ്റ് ആക്കി....സ്കെച്ച് പേനകൊണ്ട് 10കളും 1കളും വരച്ചു...മനോഹരമായ ഡൈസുകള് റെഡി!...ക്ലാസ്സിലെത്തിയപ്പോള് കുറച്ചുകുട്ടികള് കൊണ്ടുവന്നിട്ടുണ്ട്..പക്ഷേ,ഫസ്റ്റ് എനിക്കുതന്നെ!...ഞാനും കുഞ്ഞുങ്ങളും ചേര്ന്ന് കളി ആരംഭിച്ചു....ഉത്സാഹത്തോടെ കളിച്ചു..പിന്നെ കളിയില്നിന്നും കാര്യത്തിലേക്ക്.....
Monday, 13 July 2015
വിദ്യാലയവികസനത്തിന് ജനകീയക്കൂട്ടായ്മ..
Friday, 10 July 2015
‘ഒന്നാം തരത്തില് ഒന്നാന്തരം ഇംഗ്ലീഷ്’...അതുതന്നെയാണ് ലക്ഷ്യം
 |
| ഒന്നാം തരത്തില് കഴിഞ്ഞവര്ഷം നിലവില് വന്ന ഇംഗ്ലീഷ് പുസ്തകം മുന്പ് ഉണ്ടായിരുന്നതിനെ അപേക്ഷിച്ച് കടുകട്ടിതന്നെയാണ്..ആകര്ഷകങ്ങളായ ചിത്രങ്ങളൊക്കെയുണ്ടെങ്കിലും അതിലെ നെടുനീളന് വാക്യങ്ങള് തുടക്കക്കാരായ കുട്ടികള്ക്കുമാത്രമല്ല,പരിചയസമ്പന്നരായ അധ്യാപകര്ക്കുപോലും എളുപ്പം വഴങ്ങുന്നവയല്ല.ഇക്കാര്യം പല വേദികളിലും ചൂണ്ടിക്കാണിച്ചപ്പോഴൊക്കെ,എല്ലാവരും ഈ അഭിപ്രായത്തോട് യോജിക്കുകയും ചെയ്തിരുന്നു. പുസ്തകത്തില് ഉള്പ്പെടുത്തിയിരിക്കുന്ന ‘പാട്ടുകള്’തെരഞ്ഞെടുത്തവരെ സമ്മതിക്കണം!(ഈ വര്ഷം ഇതില് മാറ്റം വരുത്താന് ബന്ധപ്പെട്ടവര് തയ്യാറായില്ലെങ്കിലും രണ്ടാം തരത്തിലേക്ക് തയ്യാറാക്കിയ പുസ്തകം ഒന്നാം ക്ലാസ്സുമായി താരതമ്യം ചെയ്യുമ്പോള് VERY SIMPLE...) |
 |
| കാര്യം ഇങ്ങനെയൊക്കെയാണെങ്കിലും കഷ്ടപ്പെട്ട് നമ്മുടെ വിദ്യാലയത്തില് എത്തിച്ച കുട്ടികളെ ഇംഗ്ലീഷ് പഠിപ്പിക്കാതിരിക്കാന് പറ്റ്വോ? ..ഇവിടെ ഒന്നാം തരം മുതല്ത്തന്നെ നല്ല ഇംഗ്ലീഷ് ഉണ്ടെന്ന് പറഞ്ഞല്ലേ കുട്ടികളെ ഇങ്ങോട്ട് എത്തിച്ചത്! അതിനാല് തല്ക്കാലം കുറ്റം പറച്ചില് മാറ്റിവെച്ച് ‘ഒന്നാം തരം ഇംഗ്ലീഷ്’ സാധ്യമാക്കുന്നതിനെക്കുറിച്ചായി ചിന്ത.... |
| പണ്ട് ..ആനന്ദന് മാഷ് തയ്യാറാക്കിയ ഇംഗ്ലീഷ് പുസ്തകം പൊടി തട്ടിയെടുത്ത് അതിലെ ആദ്യപാഠമായ “This is a book..., This is a book...., A book...A book....,A book ”എന്ന് താളാല്മകമായി പാടിക്കൊണ്ട് ക്ലാസ്സ് ആരംഭിച്ചപ്പോള് കുട്ടികള്ക്ക് നല്ല താല്പ്പര്യം..ബുക്കിനു പകരം പെന്സി,പെന്,ബോക്സ്,ചോക്..എന്നിങ്ങനെ ക്ലാസ്സില് കിട്ടുന്ന എല്ലാ സാധനങ്ങളും ഉപയോഗിച്ച് ഒറ്റയ്ക്കും കൂട്ടായും പാട്ട് തുടര്ന്നപ്പോള് സംഗതി ജോര്... |
 |
| ...പിന്നീട് Ants ന്റെ പാഠത്തിലേക്ക് കടന്ന് കുട്ടികളില് നിന്ന് രൂപപ്പെടുത്തിയ ടെക്സ്റ്റ് ബി.ബി.യില് എഴുതി സാധാരണ പോലെ ഇങ്ങനെ വായിപ്പിച്ചപ്പോള് മുമ്പുണ്ടായിരുന്ന ആവേശം കുറഞ്ഞുപോയോ എന്ന സംശയം.പിന്നീട് പഴയ അടവ് തന്നെ പയറ്റാന് തീരുമാനിച്ചു..പുതിയ രൂപത്തില്.... |
 |
| ...ഇവിടെ കാണുന്നതുപോലെ ചാര്ട്ടില് എഴുതി ‘ നല്ല’ചിത്രങ്ങളും വരച്ച് താളത്തോടെ വായിച്ചപ്പോള് കുട്ടികളുടെ താല്പ്പര്യം വര്ധിച്ചു....വാക്യങ്ങള് ഗ്രാഫ് തിരിച്ചറിഞ്ഞ് അവര് നോട്ട് ബുക്കില് പകര്ത്തി...അതില് നിന്ന് ചില വാക്കുകള് മെല്ലെ മെല്ലെ തിരിച്ചറിഞ്ഞു.... |
 |
| ....കുട്ടികളുടെ താല്പ്പര്യം ഒന്നുകൂടി വര്ധിപ്പിക്കാന് സാധിച്ചത് ഇപ്പോഴാണ്...ഇതുവരെ പഠിച്ച എല്ലാ വാക്യങ്ങളും,വാക്കുകളും ചേര്ത്ത് ഉഗ്രന് ഒരു ‘കവിത’ തയ്യാറാക്കി..ഇങ്ങനെ,‘അനുയോജ്യമായ’ ഒരു ചിത്രവും വരച്ചു, കുട്ടികള് കാണ് കെ!....പിന്നെ പാട്ടും,മുദ്രാവാക്യവും ഒക്കെയായി ഉറുമ്പുകള് വിലസി.....ഒന്നാന്തരം ഇംഗ്ലീഷില്....അടുത്തപടിയായി ഇതിലെ ചില വാക്കുകളെ വട്ടത്തിലാക്കി...അവ കുട്ടികള് വശത്താക്കിയോ എന്നറിയാന് ഓരോന്നിനും നമ്പര് കൊടുത്തു..വണ്,ടു,ത്രി....എന്നിങ്ങനെ പറയുമ്പോള് കുട്ടികള് പലരും വാക്കുകള് തിരിച്ചറിഞ്ഞ് വായിച്ചപ്പോള് എന്തെന്നില്ലാത്ത സന്തോഷം! |
 |
| കുട്ടികള് പറഞ്ഞ വാക്കുകള് ഇങ്ങനെ ബോര്ഡില് എഴുതി...വായന തുടര്ന്നു....പിന്നെ ഗ്രാഫിക് റീഡിംഗില് നിന്ന് ഗ്രാഫിക് റൈറ്റിംഗിലേക്ക്...കുട്ടികളുടെ നോട്ട്ബുക്കില് കൊച്ചുകൊച്ചു വാക്യങ്ങളും,വാക്കുകളും,ഒപ്പം നല്ല ചിത്രങ്ങളും....ഇങ്ങനെ തന്നെ ബാക്കി ഭാഗങ്ങളെയും പാട്ടിലാക്കി നോക്കട്ടെ.. ...ഇംഗ്ലീഷ് ഒന്നാന്തരമാക്കാന്. |
Monday, 6 July 2015
ജൂലൈ 5 ബഷീര് ചരമദിനം-പുസ്തക പരിചയം,സി.ഡി പ്രദര്ശനം.....
ബഷീര് അനുസ്മരണത്തിന്റെ ഭാഗമായി ഉദിനൂര് സെന്ട്രല് എ.യു.പി.സ്കൂളില് സംഘടിപ്പിച്ച പരിപാടികളെക്കുറിച്ച് ഇന്നത്തെ പത്രത്തില് വന്ന വാര്ത്ത അസംബ്ലിയില് വായിച്ചുകൊണ്ടായിരുന്നു വൈക്കം മുഹമ്മദ് ബഷീറിനെയും അദ്ദേഹത്തിന്റെ ക്യ് തികളെയും കുട്ടികള്ക്ക് പരിചയപ്പെടുത്തിയത്..തുടര്ന്ന് രണ്ടാം ക്ലാസ്സിലെ നേഘയുടെ വക ഒരു കൊച്ചു പ്രംഗവും...ക്ലാസ്സ് തലത്തില് ചുമര്പത്രവും പതിപ്പും തയ്യാറാക്കാനാവശ്യമായ നിര്ദേശങ്ങളും നല്കി...വെള്ളിയാഴ്ച ബഷീര് ക്വിസ് നടത്താനും ധാരണയായി...ഉച്ചയ്ക്കു ശേഷം 3 മണിക്ക് ബഷീറിനെക്കുറിച്ചുള്ള സി.ഡി പ്രദര്ശിപ്പിച്ചു...ഒപ്പം ബഷീറിന്റെ ‘ഒരു മനുഷ്യന്’ എന്ന കഥയെ ആസ്പദമാക്കി ദൂരദര്ശന് നിര്മ്മിച്ച ഹ്രസ്വ ചലച്ചിത്രവും കാണിച്ചു..എല്.സി.ഡി പ്രൊജക്റ്റര് ഉപയോഗിച്ചുള്ള സിനിമാപ്രദര്ശനം കുട്ടികള്ക്ക് ഏറെ ഇഷ്ടമായി...സ്കൂള്ലൈബ്രറിയിലുള്ള ഏതാനും ബഷീര് ക്യ് തികളും പരിചയപ്പെടുത്തി...ഇത്രയുമായപ്പോഴേക്കും കഥകളുടെ സുല്ത്താനും,സുല്ത്താന്റെ കഥാപാത്രങ്ങളും കുറച്ചുപേരുടെയെങ്കിലും മനസ്സില് സ്ഥാനം പിടിച്ചിരിക്കണം...വെള്ളിയാഴ്ചവരെയുള്ള വിവിധ പ്രവര്ത്തനങ്ങള്കൂടിയാകുമ്പോള് ബേപ്പൂര് സുല്ത്താന് കുഞ്ഞുങ്ങളുടെയുള്ളില് ‘ഇമ്മിണി ബല്യ ബഷീര്’ആയി നിറഞ്ഞുനില്ക്കും..തീര്ച്ച.
Thursday, 2 July 2015
‘മരമുത്തശ്ശി മരമുത്തശ്ശി തണലു തരുന്നൊരു മുത്തശ്ശി....’
ഒക്കെയുള്ള അവസരങ്ങള് കുട്ടികള്ക്ക് നല്കി...നിരീക്ഷണത്തിന്റെ വ്യത്യസ്തമായ തലങ്ങള് കുട്ടികളെ ബോധ്യപ്പെടുത്താന് ഇതുവഴി കഴിഞ്ഞു...എല്ലാ സസ്യങ്ങളുടെയും ഇലകള് ഒരുപോലെയല്ലെന്നും,പലകാര്യത്തിലും ഇലകള് തമ്മില് വ്യത്യാസങ്ങള് ഉണ്ടെന്നും ഉള്ള നിഗമനത്തില് എത്തിച്ചേരാന് കുട്ടികള്ക്ക് പ്രയാസമുണ്ടായില്ല.....മുത്തശ്ശിമരം കുട്ടികള്ക്ക് പഠിപ്പിച്ച ഇലകള്കൊണ്ടുള്ള കളിപ്പാട്ടനിര്മ്മാണക്കളിയെക്കുറിച്ച് പറ ഞ്ഞപ്പോള് തങ്ങള്ക്ക് അറിയാവുന്ന കാര്യങ്ങള്
കുട്ടികളും പങ്കുവെച്ചു.....അടുത്തദിവസം ഇലകള്കൊണ്ടുള്ള വ്യത്യസ്തമായ കളിപ്പാട്ടങ്ങള് ഉണ്ടാക്കിക്കൊണ്ടാണ് എല്ലാ കുട്ടികളും ക്ലാസ്സില് എത്തിയത്...എല്ലാം പ്രദര്ശിപ്പിച്ച് ലിസ്റ്റ് ചെയ്തു...ക്ലാസ്സില് വെച്ചുതന്നെ ചിലവ ഉണ്ടാക്കി....നിര്മ്മാണ രീതികള് ചര്ച്ച ചെയ്തു...ഓരോരുത്തരും കൊണ്ടുവന്ന കളിപ്പാ ട്ടങ്ങള് എത്രവീതം?ആരാണു കൂടുതല് ഉണ്ടാക്കിയത്?.......ഈ രീതിയില് പ്രവര്ത്തനങ്ങള് മുന്നോട്ടു നീങ്ങിയപ്പോള് ഭാഷയും,ഗണിതവും,പരിസരപഠനവും,കല-പ്രവ്യ് ത്തിപരിചയപഠനവും എല്ലാം ചേര്ന്ന യഥാര്ഥ
Subscribe to:
Posts (Atom)