വായനാവാരത്തില്‍ സ്കൂള്‍തലത്തില്‍ സംഘടിപ്പിക്കുന്ന മെഗാ പരിപാടിക്കള്‍ക്കപ്പുറം വായനയുമായി ബന്ധപ്പെട്ട് ക്ലാസ്സ്മുറികളില്‍ നടത്താവുന്ന എന്തെല്ലാം പ്രവര്‍ത്തനങ്ങള്‍ക്ക് തുടക്കം കുറിക്കാന്‍ ഈയൊരാഴ്ചക്കാലംകൊണ്ട് കഴിയും എന്ന ആലോചനയല്ലേ കുറേക്കൂടി നല്ലത്?ജൂണ്‍ 19നു സ്കൂള്‍ അസംബ്ലിയില്‍ വെച്ച് പി.എന്‍.പണിക്കരെ അനുസ്മരിച്ചുകൊണ്ട് ചുരുക്കം വാക്കുകള്‍..ഗ്രന്ഥശാലാ സംഘത്തിന്റെ രൂപീകരണം,കാന്‍ഫെഡ് വഴി നടത്തിയ സാക്ഷരതാ പ്രവര്‍ത്തനം..ഇങ്ങനെയുള്ള കാര്യങ്ങള്‍ കുഞ്ഞുങ്ങള്‍ക്ക് മനസ്സിലാകുന്ന ഭാഷയില്‍ പറഞ്ഞശേഷം അവര്‍ക്ക് വായിക്കാവുന്ന ചില പുസ്തകങ്ങള്‍ പരിചയപ്പെടുത്തി...ക്ലാസ്സ് ലൈബ്രറിയിലേക്ക് ഒന്നാം ക്ലാസ്സുകാരന്‍ നല്‍കിയ പുസ്തകങ്ങള്‍ ക്ലാസ്സില്‍ വെച്ച് തുടര്‍ന്നുള്ള ദിവസങ്ങളില്‍ വായിച്ചുകൊറ്റുക്കുകയാണ് ഒന്നാം ക്ലാസ്സിലെ ടീച്ചര്‍...ഞാന്‍ ഇന്ന് ക്ലാസ്സില്‍ പോയി അന്വേഷിച്ചപ്പോള്‍ കുട്ടികള്‍ വളരെ ആവേശത്തോടെ എന്നോട് പറഞ്ഞു,“ടീച്ചര്‍ ആറ് കഥകള്‍ പറഞ്ഞു തന്നു.”..“ഇന്ന് ഏതു കഥയാ പറഞ്ഞുതന്നത്?” എന്റെ ചോദ്യം കേള്‍ക്കേണ്ട താമസം ,“അപ്പൂം,അപ്പൂന്റച്ഛനും” ,കുട്ടികള്‍ ഒന്നിച്ച് പറഞ്ഞു....“ഇതാ ബുക്ക്”ഒരു മിടുക്കന്‍ ഓടിപ്പോയി ടീച്ചറുടെ മേശപ്പുറത്തുനിന്നും ആ പുസ്തകമെടുത്ത് എന്നെ കാണിച്ചു...മറ്റു പുസ്തകങ്ങളുടെ പേരുകളുമവര്‍ എനിക്ക് പറഞ്ഞു തന്നു... കുഞ്ഞുങ്ങളെ വായനയുടെ ലോകത്തിലേക്ക് നയിക്കാനുള്ള കുഞ്ഞുവഴിതന്നെയല്ലേ ഇത് ?
രണ്ടാം ക്ലാസ്സിലാണെങ്കില്‍ ‘അക്ഷരപ്പൂമഴ’യിലെ എല്ലാ പുസ്തകങ്ങളും കുട്ടികള്‍ താല്‍പ്പര്യപൂര്‍വം വായിച്ചുതുടങ്ങിയിരിക്കുന്നു...തപ്പിത്തടഞ്ഞുവായിക്കുന്നവരും ഒരുവിധം നന്നായി വായിക്കുന്നവരും കൂട്ടത്തില്‍ ഉണ്ട്..എങ്ങനെയായാലും അവര്‍ വായിച്ചുതുടങ്ങട്ടെ....ക്ലാസ്സിന്റെ തുടക്കത്തില്‍ പത്രവായനയ്ക്കുള്ള അവസരവും ഞാന്‍ നല്‍കുന്നുണ്ട്...സന്നദ്ധതാ പ്രവര്‍ത്തനത്തിന്റെ ഭാഗമായി ക്ലാസ്സില്‍ രൂപപ്പെട്ട മുത്തശ്ശിമരം മെല്ലെമെല്ലെ വായനാമരമായി മാറിക്കൊണ്ടിരിക്കുന്നു...മരത്തിന്റെ ഇലകളില്‍ കുഞ്ഞുങ്ങള്‍ എഴുതിയ കാര്യം അവര്‍ മാറി മാറി വായിക്കുകയാണ്..മരത്തിന്റെ പ്രാധാന്യം ബോധ്യപ്പെടുത്തുന്ന ഒരു കൊച്ചുപുസ്തകവും ഞാന്‍ അവരെ പരിചയപ്പെടുത്തി..‘മരം ഒരു വരം.’
ഇന്നലെ അസംബ്ലിയില്‍ വെച്ച് പൊതുവായി സാഹിത്യശാഖകളായ കഥ,കവിത,നോവല്‍,യാത്രാവിവരനം എന്നിവയെക്കുറിച്ച് സൂചിപ്പിച്ചശേഷം,നാലാം ക്ലാസ്സിലെ കുട്ടികളോട് അവരുടെ ഒന്നാമത്തെ പാഠത്തിലെ വെണ്ണക്കണ്ണനെക്കുറിച്ച് ചോദിച്ചപ്പോള്‍ ,അത് ക്യ് ഷ്നഗാഥയിലെ വരികളാണെന്നും ,കവി ചെറുശ്ശേരിയാണെന്നും കുട്ടികള്‍ പറഞ്ഞു...അതിലൂടെ കവിതകളെക്കുറിച്ചും കവികളെക്കുറിച്ചും ചില കാര്യങ്ങള്‍ അവതരിപ്പിക്കാനായി പിന്നെ എന്റെ ശ്രമം...ഈയവസരത്തില്‍ പുതിയ ഒരു പുസ്തകം പരിചയപ്പെടു ത്തുകയും ചെയ്തു... ഇടശ്ശേരിയുടെ ‘പൂതപ്പാട്ട്’. ആറ്റിന്‍ വക്കത്തെ മാളികവീട്ടിലെ നങ്ങേലിയുടെയും,ഉണ്ണിയുടെയും,പൂതത്തിന്റെയും കഥ ചുരുക്കിപ്പറ ഞ്ഞപ്പോള്‍ കുഞ്ഞുകണ്ണുകളില്‍ വിസ്മയം...കവിതയിലെ ഏതാനും വരികള്‍ ശ്രേയ ചൊല്ലി...ക്ലാസ്സില്‍ വെച്ച് കൂടുതല്‍ പറഞ്ഞുകൊടുക്കാനായി കവിതാപുസ്തകം ക്ലാസ്സ് മാഷെ ഏല്‍പ്പിച്ചു..ഒന്നാമത്തെ പാഠത്തിന്റെ അനുബന്ധമായി നാലാം ക്ലാസ്സില്‍ പൂതപ്പാട്ടും ഉള്‍പ്പെടുത്തിയിട്ടുണ്ട്.. ഇന്ന് രാവിലെ 9 മണിമുതല്‍ കുറച്ചുസമയം ഞാന്‍ നാലാം ക്ലാസ്സിലെ കുട്റ്റികള്‍ക്കൊപ്പം കൂടി..സ്കൂളിലെ വായനാവാരം ഉല്‍ഘാടനത്തെക്കുറിച്ച് ഇന്നത്തെ ദേശാഭിമാനി പത്രത്തില്‍ വന്ന വാര്‍ത്ത ആദിത്യ രവീന്ദ്രന്‍ എനിക്ക് വായിച്ചുതന്നു...പകരമായി പൂതപ്പാട്ടിന്റേതുള്‍പ്പെടെ പ്രസിദ്ധമായ ചില ക്യ് തികളുടെ കഥ ചുരുക്കി വിവരിക്കുന്ന ഒരു പുസ്തകം- ശാസ്ത്രസാഹിത്യപരിഷത്ത് പ്രസിദ്ധീകരിച്ച‘പുസ്തകത്താളു കളി ലെ നല്ല കൂട്ടുകാര്‍‘ അവള്‍ക്ക് നല്‍കി.ആദിത്യ ഉച്ച്ഗത്തില്‍ വായിച്ചപ്പോള്‍ എല്ലാവരും കഥയില്‍ മുഴുകി.... ഇതിനിടയില്‍ മൂന്നാം ക്ലാസ്സുകാര്‍ക്കും നല്‍കി ഒരു പുസ്തകം-ഇ.ജിനന്റെ കൊച്ചു കവിതകളുടെ സമാഹാരം-‘സ്വപ്നം വരച്ച കുട്ടി’..അതിലുള്ള ചില കവിതകള്‍ ക്ലാസ്സ് ടീച്ചര്‍ അവര്‍ക്ക് പരിചയപ്പെടുത്തി..മറ്റുള്ളവ മെല്ലെ,അവര്‍ വായിച്ചോളും...വായനാവാരം കഴിഞ്ഞാലും വായന തുടരണമല്ലോ..
ഇന്നലെ അസംബ്ലിയില്‍ വെച്ച് പൊതുവായി സാഹിത്യശാഖകളായ കഥ,കവിത,നോവല്‍,യാത്രാവിവരനം എന്നിവയെക്കുറിച്ച് സൂചിപ്പിച്ചശേഷം,നാലാം ക്ലാസ്സിലെ കുട്ടികളോട് അവരുടെ ഒന്നാമത്തെ പാഠത്തിലെ വെണ്ണക്കണ്ണനെക്കുറിച്ച് ചോദിച്ചപ്പോള്‍ ,അത് ക്യ് ഷ്നഗാഥയിലെ വരികളാണെന്നും ,കവി ചെറുശ്ശേരിയാണെന്നും കുട്ടികള്‍ പറഞ്ഞു...അതിലൂടെ കവിതകളെക്കുറിച്ചും കവികളെക്കുറിച്ചും ചില കാര്യങ്ങള്‍ അവതരിപ്പിക്കാനായി പിന്നെ എന്റെ ശ്രമം...ഈയവസരത്തില്‍ പുതിയ ഒരു പുസ്തകം പരിചയപ്പെടു ത്തുകയും ചെയ്തു... ഇടശ്ശേരിയുടെ ‘പൂതപ്പാട്ട്’. ആറ്റിന്‍ വക്കത്തെ മാളികവീട്ടിലെ നങ്ങേലിയുടെയും,ഉണ്ണിയുടെയും,പൂതത്തിന്റെയും കഥ ചുരുക്കിപ്പറ ഞ്ഞപ്പോള്‍ കുഞ്ഞുകണ്ണുകളില്‍ വിസ്മയം...കവിതയിലെ ഏതാനും വരികള്‍ ശ്രേയ ചൊല്ലി...ക്ലാസ്സില്‍ വെച്ച് കൂടുതല്‍ പറഞ്ഞുകൊടുക്കാനായി കവിതാപുസ്തകം ക്ലാസ്സ് മാഷെ ഏല്‍പ്പിച്ചു..ഒന്നാമത്തെ പാഠത്തിന്റെ അനുബന്ധമായി നാലാം ക്ലാസ്സില്‍ പൂതപ്പാട്ടും ഉള്‍പ്പെടുത്തിയിട്ടുണ്ട്.. ഇന്ന് രാവിലെ 9 മണിമുതല്‍ കുറച്ചുസമയം ഞാന്‍ നാലാം ക്ലാസ്സിലെ കുട്റ്റികള്‍ക്കൊപ്പം കൂടി..സ്കൂളിലെ വായനാവാരം ഉല്‍ഘാടനത്തെക്കുറിച്ച് ഇന്നത്തെ ദേശാഭിമാനി പത്രത്തില്‍ വന്ന വാര്‍ത്ത ആദിത്യ രവീന്ദ്രന്‍ എനിക്ക് വായിച്ചുതന്നു...പകരമായി പൂതപ്പാട്ടിന്റേതുള്‍പ്പെടെ പ്രസിദ്ധമായ ചില ക്യ് തികളുടെ കഥ ചുരുക്കി വിവരിക്കുന്ന ഒരു പുസ്തകം- ശാസ്ത്രസാഹിത്യപരിഷത്ത് പ്രസിദ്ധീകരിച്ച‘പുസ്തകത്താളു കളി ലെ നല്ല കൂട്ടുകാര്‍‘ അവള്‍ക്ക് നല്‍കി.ആദിത്യ ഉച്ച്ഗത്തില്‍ വായിച്ചപ്പോള്‍ എല്ലാവരും കഥയില്‍ മുഴുകി.... ഇതിനിടയില്‍ മൂന്നാം ക്ലാസ്സുകാര്‍ക്കും നല്‍കി ഒരു പുസ്തകം-ഇ.ജിനന്റെ കൊച്ചു കവിതകളുടെ സമാഹാരം-‘സ്വപ്നം വരച്ച കുട്ടി’..അതിലുള്ള ചില കവിതകള്‍ ക്ലാസ്സ് ടീച്ചര്‍ അവര്‍ക്ക് പരിചയപ്പെടുത്തി..മറ്റുള്ളവ മെല്ലെ,അവര്‍ വായിച്ചോളും...വായനാവാരം കഴിഞ്ഞാലും വായന തുടരണമല്ലോ..
No comments:
Post a Comment